Përshkrimi i xhenetit dhe i lumenjve të tij në suren Muhamed

Përshkrimi i xhenetit dhe i lumenjve të tij në suren Muhamed
Tefsir Ibn Kethir




Allahu i lartësuar ka thënë:



» Përshkrimi i xhenetit, i cili u është premtuar të devotshmëve...«



Ikrimeh ka thënë:"'Përshkrimi i xhenetit' nënkupton të përshkruarit e tij".



» Në të ka lumenj uji, që nuk asin «



Ibn Abas ka thënë se el-Hasen dhe Katadeh kanë thënë [se asin do të thotë]:"Që nuk ndryshojnë".



Katade, ed-Dahak dhe Ata' el-Khurasani, të gjithë kanë thënë:"Nuk ka erë të keqe".



Arabët thonë asin, nëse era e ujit ndryshon.



» Lumenj qumështi, shija e të cilëve kurrë nuk ndryshon «, domethënë, qumështi është skajshmërisht i bardhë, i ëmbël dhe i ushqyeshëm. Në një hadith që i është atribuuar pejgamberit, thuhet:"Qumështi i tyre nuk del nga sisët e lopës".



» Lumenj vere, e lezetshme për ata që e pinë «, domethënë, vera s'ka erë të keqe sikurse ajo e kësaj bote, por ka dukje të mirë, shije, erë dhe ndikim të mirë, siç ka thënë Allahu:



» Ajo [vera] s'ka ndikim të keq e as që deh « [37:47] dhe,



» Nga e cila [verë] nuk dhemb koka dhe nuk dehen « [56:19]



» E bardhë, e këndshme për ata që e pinë « [37:46]



Është përmendur në një hadith të atribuuar pejgamberit:"Vera e tyre [lumenjve] nuk është shtrydhur nga këmbët e njerëzve".



» Dhe lumenj të mjaltit të kulluar «, që domethënë se mjalti është skajshmërisht i pastër, me erë dhe me shije të këndshme. Në një hadith thuhet:"Mjalti i tyre nuk del nga barku i bletëve".



Imam Hamd ka shënuar nga Hakim bin Mu'awije, i cili ka transmetuar nga babai i tij se i dërguari i Allahut [salallahu alejhi ue selam] ka thënë:



"Vërtet, në xhenet ka një liqen qumështi, një liqen uji, një liqen mjalti dhe një liqen vere. Prej tyre burojnë lumenjtë".



Et-Tirmidhi e ka shënuar këtë transmetim në pjesën ku e përshkruan xhenetin dhe ka thënë:"Hasen Sahi".



Në Sahi, është shënuar se pejgamberi ka thënë:



"Kur ta lutni Allahun, luteni për el-Firdeus, sepse kjo është pjesa e mesme dhe më e larta e xhenetit. Prej tij burojnë lumenjtë e xhenetit dhe mbi të është Froni [Arshi] i më të mëshirshmit".



Allahu ka thënë:



» ... aty, për ta ka të gjitha llojet e frutave... «



» Aty, do të kërkojnë çdo lloj frutash, në paqe e rehati « [44:55]



» Në to, do të ketë fruta të çdo lloji, në çifte « [55:52]



» ... dhe falje nga Zoti i tyre «, domethënë, përveç tërë kësaj që u përmend.



Allahu i madhëruar ka thënë:



» A mund të krahasohet kjo me ata që do të banojnë përgjithmonë në Zjarr «, domethënë, a munden ata, pozitën në xhenet e të cilëve e përshkruam, të krahasohen me ata që do të banojnë në Zjarr përgjithmonë. Ata s'janë të barabartë. Nuk janë të barabartë as ata që do të jenë në shkallët më të larta [në xhenet], as ata që do të jenë në thellësitë më të ulëta të Zjarrit.



» ... dhe u jepet ujë të valë për të pirë «, domethënë, tepër i nxehtë, i padurueshëm.


» ... që ua copëton zorrët «, domethënë, ua ndanë të brendshmet, zorrët dhe organet tjera. Kërkojmë shpëtim te Allahu nga kjo.
_________________