Sqarimi i dispozitës rreth madhërimit të statujave dhe përmendoreve përkujtuese

Sqarimi i dispozitës rreth madhërimit të statujave dhe përmendoreve përkujtuese

Et-Temathil (statujat): Janë statuja trupore në formë të njeriut, të shtazës apo ndonjë gjëje tjetër që ka shpirt. En-nusub (përmendore) në thelb janë: Flamujtë dhe gurët të cilët politeistët i gdhendnin në formë të ndonjë udhëheqësi apo njeriu të madh që kështu ta ringjallnin përkujtimin e tyre. fffMuhammedi, salallahu alejhi we selem, na këshilloi që të mos vizatojmë gjërat që kanë shpirtë, e posaçërisht vizatimin e tyre që madhërohen në mesin e njerëzve, sikurse janë dijetarët, mbretërit, mistikët, udhëheqësit dhe paria. Pa marrë parasysh se a bëhet ky vizatim në ndonjë pllakë, letër, mur, rroba apo përmes mjetit fotografues (aparatit) që njihet në kohën tone apo përmes gdhendjes dhe ndërtimit të fotografisë në formë të statujës. Muhammedi, salallahu alejhi we selem, ndaloi vënien e fotografive në mur e ngjajshëm, si dhe ruajtjen e statujave e të përmendoreve dhe vënien e tyre në shtëpi për përkujtim, sepse një gjë e tillë është rrugë deri te shirku. Shirku i pare që ndodhi mbi fytyrën e tokës ndodhi si shkak i vizatimeve dhe përmendoreve. Në popullin e Nuhit, alejhis-selam, jetonin disa njerëz të mire, kur ata vdiqën, populli filloi të pikëllohet për ata, atëherë, shejtani u shpalli atyre që tu ndërtojnë atyre statuja në mexhliset ku ata rrinin dhe tu vënin atyre statujave emrat e tyre. Në fillim ato statuja nuk adhuroheshin, por, kur kaloi ajo gjeneratë dhe u harrua dituria, ata filluan ti adhurojnë ato statuja. Pastaj, kur Allahu, subhanehu we teala, dërgoi Nuhin, alejhis-selam, që ti largojë ata nga shirku që ndodhi si shkak të atyre statujave, ata nuk iu përgjigjën dhe këmbëngulën në adhurimin e atyre statujave të cilat ishin shndërruar në idhuj:
“Dhe u thane: Mos braktisni zotat tuaj kurrsesi, mos braktisni Veddanë, as Sevvanë, e as Jeguthin, Jeukën e Nesrenë.” (Nuh, 23)
Këto janë emrat e atyre burrave të cilëve u ndërtuan statujat në formën e tyre që të ringjallet përkujtimi i tyre, shiko pra se deri ku arriti çështja si shkak i atyre statujave përkujtuese përmes të cilave njerëzimi ra në shirk dhe në kundërshtim të Allahut, subhanehu we teala, e të dërguarve të Tij. Ky ishte shkaku që Allahu, subhanehu we teala, i shkatërroi ata me përmbytje (tufan) dhe i bëri të urrejtur te Allahu, subhanehu we teala, dhe te njerëzimi. Kjo tregon se sa i rrezikshëm është vizatimi dhe formimi i statujave, për këtë arsye Muhammedi, salallahu alejhi we selem, i mallkoi skulptorët dhe tha se ata kanë dënimin më të ashpër në Ditën e Gjykimit. Ai urdhëroi largimin e fotografive dhe na tregoi se melaqet nuk hyjnë në shtëpinë ku ka fotografi. Të gjitha këto ai i tregoi për shkak të keqbërjes dhe rrezikut të madh të tyre për besimin e ummetit të tij. Pra, shirku i pare në tokë ndodhi nga ato statuja, atëherë, ato janë të ndaluara, sepse janë rrugë deri tek shirku dhe shkatërruese të besimit, dhe pa marrë parasysh se a gjinden ato statuja në mexhlise, në sheshe apo në kopshte. Nëse pabesimtarët sot bëjnë punë të tilla, pasi që ata nuk kanë besim (akide) që veprojnë sipas tij, muslimanëve nuk u lejohet ti imitojnë dhe ti shoqërojnë ata në këtë veprim, sepse kështu ata do të mbrojnë besimin e tyre i cili është burrimi i fuqisë dhe i lumturisë së tyre.