Ta'bi'inët e njohur për zotësi në tefsir [komentim të Kur'anit]

Ta'bi'inët e njohur për zotësi në tefsir [komentim të Kur'anit]
Marrë nga broshura "Usul fi et-Tefsir" të shejh Ibn Uthejmin, faqe 40


Ka pasur shumë nga Tabi'inët që u bënë pasuesit e Ibn Abasit, radijallahu anhu, për zotësinë në tefsir. Midis tyre qenë:

1. Njerëzit e Mekës: Ata janë pasuesit e Ibn Abasit, radijallahu anhuma, si Muxhahid, Ikrimeh, dhe Ata bin Ebi Rebah.

2. Njerëzit e Medinës: Ata janë pasuesit e Ubej bin Ka'ab, radijallahu anhu, si Zejd bin Eslem, Ebul-Alijeh dhe Muhamed bin Ka'ab el-Kurtubi.

3. Njerëzit e Kufës [në Irak]: Këta janë pasuesit e Ibn Mes'udit, radijallahu anhu, si Katadeh, Alkame, dhe esh-Sha'abi.

Do të ofrojmë biografi për jetët e dy nga këta individë, domethënë Muxhahidit dhe Katades.


Muxhahid

Ai është Muxhahid bin Xheber el-Meki, robi i lirë i es-Sa'ib bin Ebi el-Mekhzumi. Ai qe lindur në vitin 21H dhe mësoi tefsirin e Kur'anit nga Ibn Abas, Allahu qoftë i kënaqur me të. Ibn Is'hak ka transmetuar prej tij të ketë thënë:"Kam rishqyrtuar tërë mus'hafin, prej fillimit deri në fund, së bashku me Ibn Abas në tre raste të veçanta, duke u ndalur në secilin ajet dhe duke e pyetur atë rreth tij".

Sufjan eth-Theuri ka thënë:"Nëse të vjen komentimi [i një ajeti] prej Muxhahidit, ai do të të mjaftojë".

esh-Shafi'i mbështetej në tefsirin e tij [të Kur'anit], mu siç vepronte edhe el-Buhari i cili shpesh ka cituar prej tij në "Sahi-në" e njohur të tij. Në pjesën e fundit të biografisë së tij, edh-Dhehebi ka thënë:"Umeti ka rënë në një mendje që Muxhahid është një Imam, dhe se tefsiri i tij duhet të merret si dëshmi".

Ai vdiq në Meke ndërsa ishte në sexhde në vitin 104H në moshën 83 vjeçare.


Katadeh

Ai qe Katadeh bin Di'ameh es-Sudusi el-Basri. Ai qe lindur në vitin 61H dhe bëri përpjekje të mëdha në kërkimin e dijes. Ai ka pasur kujtesë shumë të fortë. Kjo ka qenë deri në atë masë, saqë ka thënë për vetveten:"Kurrë nuk i kam thënë një muhadithi [rrëfyes hadithi]:'Ma përsërit prapë [hadithin]'. E as që kanë dëgjuar veshët e mi ndonjë gjë veçse zemra ime e ka ruajt atë [në kujtesë]".

Imam Ahmed e ka përmendur atë dhe ka folur rreth tij shumë dhe me konsideratë. Ai përhapte dijen dhe të kuptuarit e tij mbi dallimet në mendime dhe në tefsir, si dhe e përshkroi atë si një me kujtesë të fortë dhe që posedonte të kuptuar të thellë. Ai tha në lidhje me të:"Rrallë që gjen ndonjë përpara tij në pozitë". Dhe ka thënë:"Ai është më i miri në mësimin përmendsh nga njerëzit e Basrës. Ai nuk dëgjoi ndonjë gjë veçse e futi në kujtesë". Ai vdiq në mesin e vitit 117H ndërsa ishte 56 vjeçar.