“ALLAHU E NDIHMON ROBIN QË NDIHMON KËTË FE

Admin Numri i postimeve : 105 Registration date : 02/07/2008

Sulejman ibn Nasir el-Ulvan

“ALLAHU E NDIHMON ROBIN QË NDIHMON KËTË FE”

Allahu, subhanehu we teala, thotë:
“Atyre nga mesi juaj të cilët besuan dhe bënë vepra të mira, All-llahu u premtoi se do t’i bëjë zotërues në atë tokë ashtu si i pat bërë zotërues ata që ishin para tyre dhe fenë të cilën Ai e pëlqeu për ta, do ta forcojë, e në vend të frikës Ai do t’ju dhurojë siguri. Ata më adhurojnë Mua e nuk më shoqërojnë asgjë. E kush edhe pas kësaj mohon, të tillët janë ata më të prishurit.” (En-Nur, 55)

“Ndërkaq, ata që u larguan prej adhurimit të idhujve dhe iu drejtuan All-llahut, ata kanë gëzim të madh, e ti përgëzoji pra robërit e Mi! Të cilët i dëgjojnë fjalët dhe pasojnë atë më të mirën prej tyre. Të tillët janë ata që All-llahu i udhëzoi në rrugën e drejtë dhe të tillët janë ata të mençurit.” (Zumer, 17-18)

Kur sahabët, Allahu qoftë i kënaqur me ta, u ngritën për të ndihmuar këtë fe dhe për të qenë fjala e teuhidit më e larta, e falën namazin, e dhanë zekatin, urdhëruan në punë të mira dhe ndaluan nga e keqja, vazhduan xhihadin në rrugën e Allahut, subhanehu we teala, vepruan me Sherijat dhe gjykuan mes njerëzve me drejtësi. Allahu, subhanehu we teala, i bëri zotrues në tokë dhe u ndihmoi kundër armikut të tyre.

Allahu, subhanehu we teala, thotë:
“O besimtarë, nëse ju e ndihmoni (fenë) Allahun, Ai u ndihmon juve dhe u forcon këmbët tuaja.” (Muhamed, 7)

“E Allahu patjetër do ta ndihmojë atë që ndihmon rrugën e Tij, se Allahu është shumë i fuqishëm dhe gjithnjë triumfues.” (El-Haxh, 40)

“Obligim yni ishte të ndihmojmë besimtarët.” (Rrum, 47)

Kjo fitore nuk u ka ardhur besimtarëve vetëm pse e kanë dëshiruar shumë atë apo pse ata kanë ëndërruar për një fitore të tillë, por u ka ardhur vetëm pasi kanë ndihmuar këtë fe, sepse Allahu e ndihmon robin e Tij që ndihmon këtë fe.

E kë e ndihmon Allahu nuk ka kush e mundë, e Allahu, subhanehu we teala thotë:
“Nëse All-llahu dëshiron t’ju ndihmojë, s’ka kush që mund t’ju mposhtë, e nëse Ai iu lë pa ndihmë, atëherë kush është ai pas Tij, që dot’ju ndihmojë? Pra vetëm All-llahut le t’i mbështeten besimtarët.” (Ali Imran, 160)